ಓ ನನ್ನ ಕಂದ

ಎಲ್ಲೋ ಹುಟ್ಟಿ ಎಲ್ಲೋ ಹರಿದು
ಎಲ್ಲೆಲ್ಲೂ ಜೀವ ತುಂಬುವ ನಮ್ಮ ನದಿಗಳು
ಏಳುತ್ತಾ ಬೀಳುತ್ತಾ ಜಲಪಾತವಾಗಿ ಧುಮುಕುತ್ತಾ
ರಾಜಾರೋಷವಾಗಿ ಸಾಗುವ ನಮ್ಮ ನದಿಗಳು

ನಮ್ಮ ಪಾಪಗಳನ್ನು ಮರೆಮಾಚಿ
ನಮ್ಮ ಕಲ್ಮಶಗಳನ್ನು ತೊಳೆದು
ನಮ್ಮ ದಾಹವನ್ನು ತಣಿಸಿ
ಹರಿಯುವ ನಮ್ಮ ನದಿಗಳು- ಈ ಭೂಮಿಯ ಜೀವನಾಡಿಗಳು

ಅವುಗಳ ಜೀವನದಾಸೆ ಒಂದೇ ಒಂದು
ಸಾಗರದ ಅಲೆಗಳಲಿ ಲೀನವಾಗಬೇಕೆಂದು
ಆದರೆ ಅಡ್ಡಗೋಡೆಗಳು ಹಲವು
ಹಾಗೆ ಕಡಿಮೆ ಆಗುತ್ತಿದೆ ಬಲವು

ಇನ್ನಾದರೂ ಎಚ್ಚೆತ್ತುಕೊಳ್ಳಲಿ ಜಗವು
ನದಿಗಳಿಲ್ಲದೆ ನಾವಿಲ್ಲ ಎಂದು ಬರಲಿ ಬೇಗ ಅರಿವು