ಜೀವನಾನುಭವ

ಯಶೋದೆ

ಜಗದೋದ್ದಾರನಂತೆ ನೀನು
ಶೇಷಶಯನನ ಅವತಾರವಂತೆ ನೀನು
ವಿವಿಧ ನಾಮಗಳಿಂದ ಕರೆಯಲ್ಪಟ್ಟೆ ನೀನು
ಕೃಷ್ಣ - ನನಗೆ ಮಾತ್ರ ಮುದ್ದಿನ ಕಂದ ನೀನು

ರಕ್ಕಸರ ನೀ ಸದೆ ಬಡಿದೆಯೆಂದು
ಲೋಕವು ನಿನ್ನ ಹೊಗಳುತಿರೆ
ನನ್ನ ಪುಟಾಣಿಯನ್ನು ಅಪ್ಪಿಕೊಳ್ಳಲು
ಓಡಿ ಬಂದ ಮಾತೆ ನಾನು

ಬಾಯಲ್ಲಿ ನೀ ಜಗವ ತೋರಲು
ಅಚ್ಚರಿಯಲ್ಲಿ ಮುಳುಗಿದೆ ಒಂದು ಕ್ಷಣ
ಬೆಣ್ಣೆಯ ಜೊತೆ ಹೃದಯಗಳ ಕದ್ದ
ನೀನೇ ನನಗೆ ಬ್ರಹ್ಮಾಂಡವಲ್ಲವೇನು?

ಕೇಳದೇ ನಿನಗೆ ನನ್ನ ಮಮತೆಯ ಕರೆ
ಗೋಕುಲವನ್ನು ಮರೆಸಿತೇ ಆ ಮಥುರೆ?
ಜೀವವನ್ನು ಹಿಡಿದಿಟ್ಟುಕೊಂಡು
ವ್ಯಾಕುಲದಿ ಕಾದಿಹೆನು
ನನ್ನ ಮುಕುಂದ ಒಂದು ದಿನ ಬರುವನೆಂದು
ತಾಯಿಯ ಅಳಲ ಕೇಳುವನೆಂದು