ಜೀವನಾನುಭವ

-
ಈ ಜೀವನದ ಏರು ಪೇರುಗಳು
ನನಗೆ ಕಾಮನಬಿಲ್ಲಿನ ಬಣ್ಣಗಳು
ನೋವು ನಲಿವು, ಕಣ್ಣೀರು ಪನ್ನೀರು
ಇವುಗಳಿಂದಲೆ ಹುಟ್ಟುತ್ತವೆ ನನ್ನ ಕನಸುಗಳು
ಬೆಲ್ಲದ ಸವಿಯನ್ನು ಸವಿಯುತ್ತ,
ಬೇವಿನ ಕಹಿಯನ್ನು ಮರೆಯುತ್ತ,
ಜೀವನವನ್ನು ಅನುಭವಿಸುತ್ತ ಇರುವ ಹೃದಯಗಳು
ಅಲ್ಲಿರುವ ಅನುಭವಗಳೇ ಈ ಹನಿಗವನದ ಪದಗಳು

Comments

Satish said…
'ಜೀವನಾನುಭವ' ಚೆನ್ನಾಗಿದೆ, ಏರು-ಪೇರು, ನೋವು-ನಲಿವುಗಳನ್ನು ಸಹಜವಾಗಿ ಸ್ವೀಕರಿಸಿ ಜೀವನದ ಅನುಭವಗಳಲ್ಲಿರುವ ಹನಿಗವನದ ಪದಗಳಲ್ಲಿ ಸ್ವಂತಿಕೆ ಇದೆ.

ನೀವು ನಿಮ್ಮ ಉಳಿದ ಬ್ಲಾಗುಗಳಲ್ಲಿ ಇಂಗ್ಲೀಷ್‌ನಲ್ಲಿ ಬರೆಯೋದರಿಂದ ಕೊನೇಪಕ್ಷ ಇಲ್ಲಾದರೂ ಕನ್ನಡದಲ್ಲಿ ಬರೆದಿದ್ದರೆ ಒಳ್ಳೆಯದು ಎಂದು ನನ್ನ ಅನಿಸಿಕೆ.
5:58 PM
Sushrutha Dodderi said…
This comment has been removed by the author.
2:34 AM
Sushrutha Dodderi said…
ಆಹ ಆಹ! ಕೆಲವೇ ಸಾಲುಗಳಲ್ಲಿ ಏನೆಲ್ಲಾ ಸೆರೆಹಿಡಿದಿದ್ದೀರಿ! ಚೆನ್ನಾಗಿದೆ.
2:34 AM
Post a Comment

Popular posts from this blog

ಓ ನನ್ನ ಕಂದ

-
ತೊದಲು ನುಡಿಗಳ ಹೇಳುತ್ತಾ ಮೆಲ್ಲ ಮೆಲ್ಲನೆ ನಡೆಯುತ್ತಾ ನೀ ನನ್ನೆಡೆಗೆ ಬಂದಾಗ ಮಮತಾಮಯಿ ಆಗುವೆನು ನಾನು ಓ ನನ್ನ ಕಂದ ಸುತ್ತಲಿರುವ ಪರಿಸರದ ಪರಿಚಯ ಮಾಡಿಕೊಳ್ಳುತ್ತಾ ಏಳುತ್ತಾ ಬೀಳುತ್ತಾ ಪಾಠಗಳನ್ನು ಕಲಿಯುತ್ತಾ ತನ್ನ ಬೇಕು-ಬೇಡಗಳನ್ನು ಅರಿಯುತ್ತಾ ನೀ ನಡೆದಾಗ ನಿನ್ನ ಗುರು ಆಗುವೆನು ನಾನು ಓ ನನ್ನ ಕಂದ ಜಗತ್ತನ್ನು ವಿಸ್ಮಯದ ಕಣ್ಣಿಂದ ನೋಡುತ್ತಾ ಭೇಧ ಭಾವಗಳಿಲ್ಲದ ಪ್ರೀತಿಯನ್ನು ಸುರಿಸುತ್ತಾ ಕ್ಷಣದಲ್ಲಿ ನೋವ ಮರೆತು ಬೊಚ್ಚು ಬಾಯಿಯ ತೋರಿಸಿ ನೀ ನಕ್ಕಾಗ ನಿನ್ನ ಶಿಷ್ಯೆ ಆಗುವೆನು ನಾನು ಓ ನನ್ನ ಕಂದ ಜೀವನದ ಪಥದಲ್ಲಿ ಸುಖ ಬಂದಾಗ, ನಿನ್ನ ಹಿಂದೆ ಕಷ್ಟ ಬಂದಾಗ, ನಿನ್ನ ಮುಂದೆ ದಾರಿ ಕಾಣದಾಗ ನಿನ್ನ ಜೊತೆಯಲ್ಲಿ ಎಂದೆಂದೂ ಇರುವೆ ನಾನು ಓ ನನ್ನ ಕಂದ
Read more

ನೀ ಇರಲು ಜೊತೆಯಲ್ಲಿ

-
ನೀ ಇರಲು ಜೊತೆಯಲ್ಲಿ ಬಾಳೆಲ್ಲ ಹಸಿರಾದಂತೆ ನಗುತ ನೀ ಕರೆದರೆ ಮನದೆ ಸಂತೋಷ ಹಾಡಾದಂತೆ ಚಿತ್ರ : ಗುಣ ನೋಡಿ ಹೆಣ್ಣು ಕೊಡು ಸಾಹಿತ್ಯ : ಆರ್. ಏನ್. ಜಯಗೋಪಾಲ್ ಸಂಗೀತ : ಎಲ್. ಎಂ. ರಂಗರಾವ್ ಹಾಡಿದವರು: ಎಸ್. ಪಿ. ಬಾಲಸುಬ್ರಮಣ್ಯಂ ಬಹಳ ಇಂಪಾದ, ಮನಸ್ಸಿಗೆ ಹಿತ ಕೊಡುವ ಹಾಡು. ಸಾಹಿತ್ಯ ಎಷ್ಟು ಸರಳವಾಗಿದೆ. ಆದರೆ ಅಷ್ಟೆ ಆಳವಾಗಿದೆ. ನಿಷ್ಕಲ್ಮಶ ಪ್ರೀತಿಯನ್ನು ಕೊಡುವ ಬಾಳ ಸಂಗಾತಿ ಇದ್ದರೆ, ಇನ್ನೇನು ಬೇಕು? ರಂಗರಾವ್ ಅವರ ಸಂಗೀತ ಬಹಳ ಸುಮಧುರವಾಗಿದೆ. ನನಗೆ ಈ ಹಾಡು ಕೇಳಿದಾಗ, ಯಾವುದೋ ಹೂಬನದಲ್ಲಿ ಕೂತಂತೆ, ತಂಪಾದ ಗಾಳಿ ಬೀಸಿದಂತೆ ಅನುಭವವಾಗುತ್ತದೆ. ಎಸ್. ಪಿ ಅವರು ಹಾಡಿದ ಈ ಹಾಡು ನಮ್ಮನ್ನು ಬೇರೆ ಭಾವನಾಲೋಕಕ್ಕೆ ಕರೆದೊಯ್ಯುತ್ತದೆ. ನಟ ಶ್ರೀನಾಥ್ ಅವರ ಪತ್ನಿ ಗೀತ ಶ್ರೀನಾಥ್ ಗೆ, ತಮ್ಮ ಪತಿ ನಟಿಸಿದ ಹಾಡುಗಳಲ್ಲಿ ಇದು ಬಹಳ ಇಷ್ಟವಂತೆ. ಸರಿ, ನಿಮ್ಮನ್ನು ಮನಮೆಚ್ಚಿದವರ ಜೊತೆ, ಈ ಹಾಡಿನ ಗುಂಗಿನಲ್ಲಿ ಮುಂದುವರೆಯಲು ಬಿಡುತ್ತೇನೆ. ಟಾಟಾ. :)
Read more